مسلم لیگ نواز کی ایک اور ڈیل

مسلم لیگ نواز کی اہم قومی معاملات پر پی ٹی آئی  اور اہم عسکری اداروں سے اچانک  ہم آہنگی  اصل میں شریف فیملی اور اسٹیبلشمنٹ میں ایک خاموش ڈیل کا نتیجہ ہے ۔ لیکن یہ بھی حقیقت ہے کہ اس ڈیل میں حکومت کا کوٸی کردار یا حصہ نہیں اور اس سلسلہ میں پی ٹی آئی کا یہ دعوی درست ہے کہ وہ کسی ڈیل کا حصہ نہیں۔ اس ڈیل میں مقامی کرداروں میں بھی وہی ادارے پیش پیش ہوتے ہیں جن کا یہ طرہ امتیاز رہا ہے۔ یہ ڈیل براہ راست شریف فیملی اور اسٹیبلشمنٹ کے درمیان ہوٸی غیر ملکی ضامنوں کے علاوہ کوٸی مقامی عنصر  شامل نہ تھا۔ اس ڈیل کی مکمل تفصیلات اور جزیات وقت کے ساتھ ساتھ سامنے آئیں گی البتہ اس ڈیل کے متاثرین میں پیپلز پارٹی سمیت متحدہ اپوزیشن کے علاوہ  خود پی ٹی آئی بھی ہو گی کیونکہ اس سے اس کے احتساب کے بیانیے کو شدید دھچکا لگے گا ۔ اور اس کے واحد مستفید کے بارے میں کسی کو شک نہیں ہونا چاہیے۔

اس ڈیل کے بیرونی کرداروں اور ضامنوں  میں قطر، سعودی عرب، عرب امارات اور ترکی نے اہم کردار ادا کیا۔ اس بار چین بھی سی پیک کے حوالے سے فکرمند تھا اور اس کا بھی اس ڈیل میں  یہی عندیہ تھا کہ پاکستان میں اندرونی خلفشار کو کم سے کم کر کے سیاسی استحکام پیدا کیا جائے تا کہ سی پیک سمیت تمام امور میں اندرونی رکاوٹ نہ آئے۔

اس ڈیل میں شہباز شریف نے مرکزی کردار ادا کیا اور رازداری کے سبب کسی دوسرے مسلم لیگی کو اس کی ہوا بھی نہیں لگنے دی۔ خواجہ آصف کو تمام تر معاملات طے ہونے کے بعد خواجہ آصف کو بطور فرنٹ مین استعمال کیا گیا۔ شریف فیملی سے قریب ایک اہم مسلم لیگی نے بتایا کہ ابتدا میں لندن میں احسن اقبال کو یہ معاملات ہینڈل کرنے کو کہا گیا لیکن انہوں نے معزرت کر لی اور کہا کہ یہ مسلم لیگ کی مستقبل کی سیاست کے لیے تباہ کن ہو گا۔ اس کی ایک وجہ یہ بھی تھی کہ احسن اقبال نےمتحدہ اپوزیشن کو بھی اعتماد میں لینے کو کہا۔ لیکن خواجہ آصف نے کہا کہ ہمارا سب کچھ سٹیک پر ہے ہم اس کریڈٹ میں کسی کو حصہ نہیں دے سکتے۔  اس مسلم لیگی کا دعوی تھا کہ جس کے بعد خواجہ آصف کو چنا گیا١ور خواجہ آصف کی آسانی کے لیے احسن اقبال کو وقتی طور پر منظر سے ہٹا دیا گیا۔ ایک اور مسلم لیگی نے انکشاف کیا کہ پارٹی اجلاس میں جب خواجہ آصف نے غیر مشروط حمایت کی بات کی تو ایک سنیئر رکن نے ان کو یاد دلایا کہ ماضی میں انہوں نے پیپلز پارٹی اسٹیبلشمنٹ  سے ڈیل کرنے کا الزام لگایا تھا اور چند دن پہلے پارلیمنٹ میں انہوں نے پی ٹی آٸی کی کسی ترمیم کا حصہ نہ بننے کا کہا تھا أج خود یہ رکر دکھایا یہ کرشمہ کیسے ہوأ۔ اس پر خواجہ آصف غصے میں أ گٸے اور کہا کہ وہ یہ سب کچھ نواز شریف کی ہدایت پر کر رہے ہیں۔  اس وضاحت کے باوجود مسلم لیگی اراکین خواجہ آصف کی بات ماننے کو تیار نہ تھے اور ان کا اسرار تھا کہ قیادت خود انہیں اعتماد میں لے۔

اس میں کوٸی شک نہیں  کہ مسلم لیگ کے خواجہ آصف  نے پی ٹی آئی سے بھی چند قدم أگے بڑھ کر جلدبازی میں مجوزہ أٸینی ترمیم کی بلا مشروط حمایت کر کے پی ٹی آئی اور متحدہ اہوزیشن کو بھی ورطہ میں ڈال دیا۔ مسلم لیگی زرائع کا کہنا ہے کہ خواجہ آصف نے لفظ ”غیر مشروط“  ان کی اپنی اختراع تھی جس کا قیادت نے بھی نوٹس لیا۔ قیادت نے اس سلسلے میں تمام پارلیمانی روایات اور ضوابط کے مطابق کرنے کو کہا تھا اور خواجہ آصف کی طرف سے جلد بازی کے بعد میاں نواز شریف نے خواجہ أصف کو أٸینی ترامیم کے حوالے سے  اپنی ترجیحات اور تحفظات کے حوالے سے خط بھی لکھ دیا۔لیکن خواجہ آصف نے اس خط سے لاعلمی کا اظہار کر دیا۔

البتہ اس کھیل میں بلاول بھٹو ایک جمہوریت پسند لیڈر کے طور پر سامنے آئے۔ انہوں نے پارلیمانی اپوزیشن میں عددی اقلیت ہونے کے باوجود بھی آرمی چیف کے حوالے سے ترامیم کو پارلیمان کے مجوزہ طریقوں کے مطابق کرنے کو کہا اور بلا آخر حکومت کو ان کے سامنے  گھٹنے ٹیکنے پڑے۔ جس سے خواجہ آصف کی ” غیر مشروط“ حمایت کی وجہ سے پارلیمانی جمہوری نظام کے منہ پر لگی کالک دھلنے میں کسی  حد تک مدد ملے گی۔

پیپلز پارٹی کو بھی مسلم لیگ ن سے کی گٸی  ڈیل کے پیش نظر رعایتیں دی گئیں لیکن ان کو رعاتیں دینا ایک مجبوری تھی۔ دوسری طرف مسلم لیگ نواز اسٹیبشمنٹ کے سامنے پہلی ہی گھٹنے ٹیک چکی تھی اور اب دونوں جماعتوں میں دوڑ اس بات کی تھی کہ کون زیادہ وفاداری کا اظہار کرتا ہے اور اس دوڑ میں مسلم لیگ نواز نے پیپلز پارٹی کو بہت پیچھے چھوڑ دیا۔

اب سوال یہ ہے کہ مسلم لیگ نواز اس سلسلے میں خود پر ہونے والی تنقید کا سامنا کیسے کرے گی۔ نواز شریف کے ووٹ کو عزت دو کے نعرے کی مسلم لیگ نواز نے جو مٹی پلید کی ہے اس کے اثرات کیا ہوں گے یہ تو آنے والا وقت ہی بتاے گا۔ اور انتخابات اس کا بہترین پیمانہ ہے۔

انتباہ
اس تحریر میں تجزیہ کار/کالم نگار نے جو باتیں لکھی ہیں وہ مکمل طور پر ان کی ذاتی رائے ہے۔سرخیاں کا ان سے متفق ہونا ضروری نہیں۔